Meni głowoweje abo nogoweje smužki
Zmóžnja malsny pśistup ku kakosćam głowoweje abo nogoweje smužki a pśikazam tekstowego dokumenta.
Wšykne pśikaze se na aktualnu pśedłogu boka nałožuju.
Zmóžniśo głowowu abo nogowu smužku aktualneje pśedłogi boka, gibniśo pokazowak myški nad głowowu abo nogowu smužku a wubjeŕśo pśikaz z wuběrańskego menija.
Głowowu smužku formatěrowaś / Nogowu smužku formatěrowaś
Wócynja dialog pśedłogu boka głowoweje smužki (pśedłogu boka nogoweje smužki) za aktualnu pśedłogu boka.
Ramik a slězyna
Wócynja dialog Ramik / Slězyna za głowowu abo nogowu smužku, źož móžośo ramik, wobceŕk a transparencu głowoweje abo nogoweje smužki nastajiś.
Głowowu smužku lašowaś / Nogowu smužku lašowaś
Lašujo głowowu (nogowu) smužku aktualneje pśedłogi boka.
Numer boka zasajźiś
Zasajźujo numer boka. Format numera boka se w pśedłoze boka definěrujo.
Licbu bokow zasajźiś
Zasajźujo licbu bokow aktualnego dokumenta.
Licbu bokow do wobceŕka zasajźiś
Zasajźujo licbu bokow do wobceŕka numerěrowanja bokow.